نئی دہلی 23/ستمبر (ایس او نیوز/ایجنسی) عام آدمی پارٹی   کے سربراہ اور دہلی کے وزیر اعلی اروند کیجریوال نے بی جے پی صدر امیت شاہ کو رام للا میدان  میں اُن سے بحث کرنے کے لئے چیلنج کیا ہے. انہوں نے کہا کہ ان کی حکومت نے مودی حکومت کے مقابلے میں دس گنا زیادہ بہتر کام کیا ہے اور دہلی کے لوگ اس بات کو اچھی طرح سمجھتے ہیں. اروند کیجریوال کا یہ جواب امت شاہ کے الزامات کے بعد آیا جس میں انہوں نے کہا تھا کہ دلی حکومت  جھوٹ بولنے  کے علاوہ اور کوئی کام نہیں کرتی ہے۔

امت شاہ کو چیلنج کرتے ہوئے کجریوال نے کہا کہ امت شاہ جی ! آخری چار سالوں میں ہماری دہلی حکومت نے مودی سرکار کے مقابلے میں دس گنا زیادہ کام کیا ہے۔ میں آپ کو چیلنج کرتا ہوں، آئے رام للا میدان،   دہلی کے عوام کے سامنے ہم بحث کریں گے، پھر دیکھتے ہیں کس نے کتنا کام کیا ہے۔

اروند کیجریوال نے مودی حکومت پر الزام لگاتے ہوئے   کہا کہ مرکزی حکومت نے پچھلے  چار سالوں میں بہت سارے ایسے  فیصلے کیے ہیں جس سے  دلی سمیت پورے ملک کے عوام کے لئے مسائل پیدا ہوگئے ہیں. لیکن دلی حکومت نے ایسا کوئی کام نہیں کیا ہے، جس کی وجہ ایک بھی دہلی کے شہری کو کوئی   پریشانی ہوئی ہو۔ انہوں نے کہا کہ مرکزی حکومت غریبوں کے لئے بہت زیادہ کام کرنے کا ڈھنڈوروا پیٹ رہی ہے  وہ دعوی کررہے ہیں کہ چودھویں  فائنانس کمیشن میں، پوروانچل کے لوگوں کے لئے پچھلی بار کے مقابلے میں تین گنا زیادہ   فنڈ مختص کیا گیا ہے۔ لیکن امت شاہ کو یہ بتانا چاہئے کہ اسی فائنانس کمیشن میں دہلی کے لوگوں کے لئے کتنا فنڈ مختص کیا گیا۔

کیجریوال نے کہا کہ دہلی کو صرف 325 کروڑ روپے مختص کیے گئے ہیں. جبکہ پوروانچل  کے لوگ یہاں بڑی تعداد میں رہتے ہیں. اگر مرکزی حکومت نے پوروانچل  کے لوگوں کو اچھا کرنا چاہتے ہیں  تو، پھر اسے دہلی میں مزید فنڈز مختص کرنا چاہئے۔

اس سے پہلے دہلی کے رام لیلا میدان میں پوروانچل کے لوگوں سے خطاب کرتے ہوئے، امت شاہ نے دہلی حکومت پر جھوٹ بولنے الزام لگایا تھا۔ دہلی کے بی جے پی صدر منوج تیوار نے کہا کہ کیجریوال سرکار پوروانچل کے لوگوں کا راشن کارڈ نہیں بنا رہی ہے جبکہ روہنگیا مسلمانوں کو زبردستی یہاں بسانے  کا کام کیا جارہا ہے۔